Qorinda bola rivojlanayotgan ayolning holati homiladorlik deb aytiladi. Insonlarda u to’qqiz oy davom etadi. Homiladorlik –ayol hayotining o’ta muhim, quvonchli va shu bilan birga nihoyatda murakkab davri. Bu vaqtda o’sayotgan bola bilan birgalikda bo’lajak onaning qorni kattalashadi, uning butun organizimi chuqur qayta qurilishlarga uchraydi. Homilador ayolning yuragi, buyraklari va jigari katta yuklamaga duchor buladi , chunki ularga ikki kishi uchun ishlashga to’g’ri keladi. Shuning uchun ham bo’lajak ona yaxshi ovqatlanishi, sabzavot va mevalarni ko’p iste’mol qilishi , havoda sayr qilishi va toliqib qolmasligi kerak.
