MUNDARIJA:
KIRISH
1-BOB. TASHQI SIYOSAT VA KOREYA TASHQI SIYOSATINI O’RGANISHNING NAZARIY METODOLOGIK ASOSLARI
1.1. Koreya tashqi siyosati shakllanish bosqichlari va o’ziga xos jihatlari
1.2. Janubiy Koreya iqtisodiyotining rivojining tashqi siyosiy faoliyatga tasiri
2-BOB. KOREYA RESPUBLIKASINING IKKI TOMONLAMA VA KO’P TOMONLAMA MUNOSABATLARI XUSUSIYATLARI
2.1. Koreya Respublikasining Osiyo Tinch Okeani mintaqasidagi siyosiy jarayonlaridagi ishtiroki
2.2. O’zbekiston-Koreya munosabatlari xususiyatlari
XULOSA
FOYDALANILGAN ADABIYOTLAR RO’YXATI
Kurs ishi mavzusining dolzarbligi. Osiyo-Tinch okeani mintaqasi davlatlari orasida hozirgi kunda O’zbekiston bilan nihoyatda yaqindan, o’zaro manfaatdorlik asosida hamkorlik qilayotgan davlat bu – Koreya Respublikasidir. Ikki davlat o’rtasidagi hamkorlik hozirgi kunda yuksak hamkorlik darajasida shakllangan.
Prezidentimiz Shavkat Mirziyoyev o’zlarining “Erkin va faravon, demokratik O’zbekiston davlatini birgalikda barpo etamiz” nomli asarlarida quyidagi fikrlarni bildirganlar: “Bugungi kunda O’zbekiston jahon hamjamiyatida o’zining munosib o’rni va mavqeyiga ega. Biz dunyodagi barcha davlatlar bilan yaqindan hamkorlik qilish va amaliy muloqot uchun ochiqmiz” . Darhaqiqat, O’zbekiston shu qatorda Janubiy Koreya davlati bilan ham yaqindan turli sohalarda hamkorlik qilib kelmoqda. Xalqaro munosabatlarda, ayniqsa, hozirgi zamon xalqaro munosabatlarida Janubiy Koreya davlati o’z o’rniga egadir. Koreya dunyodagi muhim ahamiyatga ega bo’lgan ko’plab xalqaro va mintaqaviy tashkilotlarga a’zo hisoblanadi, shuningdek, Janubiy Koreyaning Xalqaro tashkilotlarda tutgan o’rni muhimdir. Ushbu davlat katta siyosiy va iqtisodiy qudratga ega va dunyodagi siyosiy jarayonlarga ta’sir ko’rsata oladi. Bundan tashqari, Janubiy Koreyaning hozirgi xalqaro munosabatlar tizimidagi ko’plab davlatlar bilan olib borayotgan aloqalarini o’rganish muhimdir. Ayniqsa, ushbu davlatning O’zbekiston Respublikasi bilan o‘rnatilgan aloqalari e’tiborga loyiqdir.
