Iqtisodiy tahlil fanining predmeti, asosiy vazifalari va tamoyillari

Tahlil so‘zi grekcha «analyzis» so‘zini o‘zbek tilidagi tarjimasi bo‘lib, u «bo‘laman» yoki «ajrataman» degan ma’noni bildiradi. Demak, tahlil deganda, tor ma’noda butunni qismlarga (unsurlarga) ajratish, bo‘laklarga bo‘lish yo‘li bilan uning tarkibiy qismini o‘rganish tushiniladi.
Iqtisodiyotni globallashuvi, integrasion jarayonlar, innovasion jadallik va kuchli raqobat muhitidagi talablar hisob-kitoblarga oid fanlar tizimini ham zamonaviy biznes qoidalariga mos tarzda takomillashtirishni talab etmoqda. Negaki, manfaatlar ustuni sifatida tan olingan bozor modeli avvalo aniq hisob-kitoblar algoritmini, ularni baholashni va chuqur tahliliy yechimlarni talab etadi.