Islom Abdug’aniyevich Karimov

Islom Abdug’aniyevich Karimov 1938 yil 30 yanvarda Samarqand shahrida xizmatchi oilasida tug’ilgan. Millati – o’zbek. Oliy ma’lumotli, O’rta Osiyo Politexnika va Toshkent Xalq xo’jaligi institutlarini tugatgan. Muhandis-mexanik va iqtisodchi mutaxassisliklariga ega. Iqtisod fanlari nomzodi.
Mehnat faoliyatini 1960 yilda Toshkent qishloq xo’jalik mashinasozligi zavodida boshlagan.
1961 yildan 1966 yilgacha V. P. Chkalov nomidagi Toshkent Aviatsiya ishlab chiqarish birlashmasida muhandis, yetakchi muhandis-konstruktor bo’lib ishladi.
1966 yilda O’zbekiston SSR Davlat plan komitetiga ishga o’tib, bosh mutaxassislikdan Respublika Davlat plan komiteti raisining birinchi o’rinbosarigacha bo’lgan yo’lni bosib o’tdi.
1983 yilda I. Karimov O’zbekiston SSR Moliya ministri, 1986 yilda O’zbekistan SSR Ministrlar Soveti Raisining o’rinbosari, Respublika Davlat plan komitetining raisi etib tayinlandi.