Kasrlar

Kasr (arabcha: كسر — bo’lak, parcha) — matematikada birning bitta yoki bir nechta qismidan (bo’lagidan) iborat son. Kasr ikkita butun sonning nisbati bilan ifodalanadi: 𝑛/𝑚 yoki n/m. Bu yerda m kasrning maxraji, n bo’lsa surati deyiladi. Maxraj chiziqning ostiga (yoki ketiga), surat bo’lsa chiziqning ustiga (yoki oldiga) yoziladi.
Maxraj bir sonni necha bo’lakka bo’linganini ko’rsatadi, surat bo’lsa shu kasrda shunday ulushlardan nechta borligini ko’rsatadi. Masalan,3/4 kasrida surat 3 dir va u kasr teng uch bo’lakni ifodalashini ko’rsatadi. Maxraj bo’lsa 4 dir va u to’rtta bo’lak bir bo’lib butunni hosil qilishini anglatadi. Bir xil maxrajli kasrlarni qo’shganda ularning faqat suratlari qo’shiladi! Bir xil maxrajli kasrlarni ayirishda ularning faqat suratlari ayiriladi,maxraji esa o’zgarmaydi.