1. Ishdan maqsad: Kompyuter tizimlarni viruslar bilan zaharlanishidan oldini olish. Antivirus programmalari bilan ishlash
2. Qisqacha nazariy ma’lumot: Kompyuter sistemalarida xavf-xatarsiz ishlashning amalda sinab ko‘rilgan va yuqori samara bergan asosiy qoidalari quyidagilar.
Birinchi qoida. Qonuniy rasmiy yo‘l bilan olingan programm mahsulotlardan foydalanish.
Ikkinchi qoida. Axborotni ikkilash. Avvalo programm ta’minotning distributiv eltuvchilarini saqlash lozim. Ishchi axborotning saqlanishiga katta
e’tibor berish lozim.
Uchinchi qoida. Virusga qarshi vositalardan muntazam ravishda foydalanish lozim. Ishni boshlamasdan avval programma-skanerlar va programma-taftishlar ishlatilishi kerak. Viruslarga qarshi vositalarning muntazam ravishda yangilanib turilishi shart.
To‘rtinchi qoida. Ayniqsa axborotning yangi eltuvchilaridan va yangi fayllardan foydalanishda ehtiyot bo‘lish lozim. Yangi diskyetalar ularda yuklama faylli viruslarning yo‘qligi nuqtai nazaridan so‘zsiz tekshirilishi shart.
Beshinchi qoida. Taqsimlangan sistemalar yoki jamoa foydalanuvchi sistemalar bilan ishlaganda yangi almashtiriladigan axborot eltuvchilar va
sistemaga kiritiluvchi fayllar maxsus hisoblash mashinasida tekshirilishi lozim. Virusga qarshi har tomonlama tekshirish amalga oshirilganidan keyingina disklar va fayllar sistemadan foydalanuvchilarga uzatilishi mumkin.
Oltinchi qoida. Eltuvchiga axborot yozish ko‘zda tutilmagan bo‘lsa, bu amalni bajarilishiga yo‘l qo‘yish kerak emas. Buning uchun 3,5 dyumli
disketlarda kvadrat teshik ochish kifoya.
