1. Ishdan maqsad: Kompyuterdagi ma’lumotlar himoyasi va ularni qayta tiklash.
2. Qisqacha nazariy ma’lumot: Arxivlangan fayl – bu faylning ixchamlangan, siqilgan holati. Amalda fayllar bilan ishlashda, ya’ni fayllarni bir joydan ikkinchi joyga ko‘chirishda, nusxa olishda, saqlab ko‘yishda, elektron pochta orqali axborot yuborishda bunday fayllar bilan ishlash zarurati tug‘iladi. Avvalo arxivlash bilan bog‘liq bo‘lgan asosiy tushunchalarni kiritamiz, keyin arxivlash uchun ko‘p qo‘llaniladigan asosiy arxivatorlar (arxivlovchi programmalar) bilan tanishamiz.
Fayllarni arxivlash – fayllarni ma’lum bir qoida asosida siqilgan, ixchamlangan xolatda diskda saqlash demakdir. Arxivlash qattiq disk ishdan chiqishi yoki faylning tasodifan o‘g‘irlanishi sodir bo‘lgan hollarda joriy faylni qayta tiklash uchun yordam byeruvchi vosita sifatida xam qo‘llaniladi. Arxivlash BACKUP paket dasturi orqali ham (WIN95 muhitida) amalga oshiriladi. Bu programma haqidagi to‘la ma’lumotlarni spravka bo‘limidagi «fayllarni arxivlash» kalit so‘zli komanda orqali olish mumkin.
Umuman arxivlash – bu uzoq muddat saqlanuvchi fayllar, ham qo‘llaniladigan, eski hujjatlar, har xil materiallar, adabiy va ilmiy maqolalar, rasm va boshqalarni saqlash uchun qo‘llaniladi. Arxiv bir qancha qismlardan iborat bo‘lishi va unda xar bir fayl alohida ko‘rinishda saqlanishi mumkin. Bunday arxiv fayllari ko‘p tomli deb ataladi. Shunday arxivlardan katta xajmli ma’lumotlarini qismlarga bo‘lib disketalarga sig‘adigan, qulay ko‘rinishga keltirish uchun foydalanish mumkin. Bunda har bir qism fayl xam arxiv fayli deb ataladi. Arxiv hosil qilish jarayoni arxivlash (arxivasiya) deyiladi. Siqilgan faylni eski xoliga qaytarish arxivlarni ochish (razarxivatsiya) deyiladi. Arxivlashni fayllar guruxi, to‘liq fayllar strukturasi bo‘yicha yoki papkalar bo‘yicha ham qilish mumkin.
