“Landshaft” nemishcha so’z bo’lib “joy” degan ma’noni bildiradi. Hozirgi paytda landshaft tushunchasi geografiyada keng vator ma’noda ishlatiladi.
Keng ma’noda landshaft deganda tabiiy hududuiy kompleks tushuniladi. Masalan, taiga zonasi, botqoq tundra va h.k.
Tor ma’noda landshaft – yer yuzasidagi tabiiy chegaralar bilan ajralib turuvchi joydir. Landshaft hududiy yaxlitligi, vujudga kelishi ko’ra bir butunligi, geologic tuzulishi relyefi, iqlimi, tuproqlari, o’simlik va hayvonot dunyosining bir xilligi bilan ajralib turadigan tabiiy hududiy kompleksdir. Masalan, Qizilqumdagi qumli, gilli, taqirli, sho’rxokli landshaftlar, tog`lardagi yaylov, o’rmon, vodiy landshaftlari shular jumlasidandir.
Odatda landshaftlar tabiiy va antropogen landshaftlarga ajratiladi. TABIIY LANDSHAFT – faqat tabiiy omillar ta’sirida shakllangan yoki shaklllanayotgan landshaftdir. Unga inson faoliyati ta’sir etmagan bo’ladi. Masalan, Chotqol biosfera qo’riqxonasidagi archazorlar shular jumlasidandir.
Antropogen landshaft – tabiiy va antropogen omillar ta’sirida shakllangan va shakllanayotgan landshaftdir. Bunga inson faoliyati ta’sirida vujudga kelgan landshaftlar kiradi.
Tabiatning barcha komponentlari va landshaftlar u yoki bu darajada inson ta’sirida bo’ladi. Fan-texnika inqilobi sharoitida insonning tabiatga ta’siri tobora ortib bormoqda. Mazkur landshaftlar insonning xo’jalik faoliyati ta’sirida shakllanadi, ammo tabiiy xususiyatlarni saqlab qoladi va tabiat qonunlariga bo’ysunadi.
Antropogen landshaftlar quyidagi turlarga bo’linadi: qishloq xo’jalik yoki agrolandshaftlar (ekinzorlar bog`lar yaylovlar); suv yoki gidrogen landshaftlar (kanallar hovuzlar suv omborlari); shahar yoki seliteb landshaftlar (shaharlar qishloqlar); sanoat landshaftlar (zavodlar shaxtalar chiqindilar uyumi aerodromlar yo’llar va h.k.)
