Mexnat daftarchasini yuritishni taribga soluvchi me’yoriy-xuquqiy xujjatlar.

4,900 so'm

Referat haqida ma’lumotlar:

Betlar soni: 6 bet

Hajmi: 29.00 kB

Format: .docx

Hoziroq xarid qilish 📥

Xodimning mehnat daftarchasi tegishli to‘lovlarni amalga oshirish uchun talab qilinadigan ish stajini belgilashda asosiy hujjat bo’lib xizmat qiladi.Kamdan-kam me’yoriy-huquqiy hujjatlar mehnat daftarchalarini yuritish tartibiga bag’ishlangan.
Mehnat daftarchasini yuritilishini tartibga soluvchi barcha me’yoriy hujjatlarni 2 guruhga bo’lish mumkin:
Birinchidan, umumiy tusdagi me’yoriy hujjatlar: bu hujjatlarda mehnat daftarchasi yuritishning umumiy qoidalari belgilangan bo’lib, ular qonunchilikda boshqa holat ko’zda tutilganidan tashqari barcha hollarda qo’llaniladi.
Umumiy tusdagi me’yoriy-huquqiy hujjatlarga, birinchi navbatda, O’zbekiston Respublikasining Mehnat kodeksi kiradi.
Mehnat kodeksining 80-moddasida ishga kirayotgan shaxs ishga kirish vaqtida ko’rsatadigan hujjatlar qatorida xodimning mehnat daftarchasi tilga olingan.
81-moddasida esa mehnat daftarchasi xodimning mehnat stajini tasdiqlovchi asosiy hujjat ekani ko’zda tutilgan, ish beruvchi korxonada o’rindoshlik bo‘yicha ishlovchilardan tashqari, 5 kundan ortiq ishlagan barcha xodimlarning mehnat daftarchalarini yuritishi shartligi, ish beruvchi xodimlarning mehnat daftarchasiga qanday yozuvlarni kiritishi va mehnat shartnomasi bekor qilinganligi sabablari yozilishi kerak emasligi ta’kidlangan.
O‘zbekiston Respublikasi Vazirlar Mahkamasining “O‘zbekiston Respublikasida yangi mehnat daftarchalarini joriy qilish to‘g‘risida”gi 1995 yil 6 iyuldagi 258-sonli (1999 yil 6 maydagi 225-son bilan o‘zgartirilgan) qarori mehnat daftarchasini to‘g‘ri yuritish uchun muhim ahamiyatga ega.
Ushbu qaror bilan mehnat daftarchasi blankalarining yangi namunasi tasdiqlangan, xodimlarga ilgari berilgan mehnat daftarchalari almashtirilmasligi ko‘zda tutilgan.
Mehnat daftarchasini yuritish masalalari “Mehnat daftarchalarini yuritish tartibi to‘g‘risida”gi yo‘riqnomada ayniqsa batafsil tartibga solingan. Mazkur yo‘riqnomada ish bilan band aholini qamrab oluvchi qaysi toifalarga mehnat daftarchasi yuritilishi, uning yuritilishining umumiy tartibi va muddati, ishga qabul qilinayotganda qaysi hujjatlar kerak bo‘lishi ko‘zda tutilgan.
Mehnat daftarchasini to‘ldirish masalalari batafsil yoritib berilgan. Xususan, unga qaysi ma’lumotlar kiritilishi shartligi, qaysi ma’lumotlar faqat xodimning xohishiga ko‘ra kiritilishi mumkinligi ko‘rsatilgan va hokazo. Ushbu yo‘riqnomaga muvofiq, mehnat daftarchasi O‘zbekiston Respublikasining davlat tilida, Qoraqalpog‘iston Respublikasida esa qoraqalpoq yoki O‘zbekiston Respublikasi davlat tillarida ish beruvchi tomonidan xodimning ishtirokida to‘ldiriladi.