Neptun

Neptun
Quyosh sistemasidagi sakkizinchi sayyora qadimgi rimliklarning dengiz xudosi Neptun nomi bilan ataladi. Neptun sayyorasini osmonga qarab oddiy ko’z bilan ko’rib bo’lmaydi. Lekin uni yaxshi durbin yordamida ko’rish mumkin. Neptundan Quyoshgacha bo’lgan masofa – 4,5 mlrd km.
U gazli gigant sayyoralarning to’rtinchisi va oxirgisi (ularni Quyosh sistemasining tashqi sayyoralari deb ham atashadi). Neptunda sutkalar 16 soat davom etadi. Bu sayyora Quyosh atrofida Yer hisobi bo’yicha 165 yilda aylanib chiqadi. Neptun boshqa gigant sayyoralar kabi asosan vodoroddan tashkil topgan. Vaqti-vaqti bilan astronomlar Neptun atmosferasida sirli shakllarni kuzatishadi. Ular goh paydo bo’lib, goh g’oyib bo’ladi.