Biznes reja quyidagi tarkibiy qismlarni o’z ichiga oladi:
1. Loyihaning maqsadi
2. Loyihaning qiymati
3. Tashkiliy reja
4. Ishlab chiqarish rejasi
5. Moliyaviy reja
6. Xulosa
LOYIHANING MAQSADI
Ushbu loyihani amalga oshirishdan maqsad, o’quv markazi biznesini tashkillashtirishni asoslashdir.
Loyiha g’oyasi shundan iboratki, aholiga maishiy xizmat qilish va ta’lim sohasini rivojlantirish maqsadida, ya’ni tadbirkor o’ziga tegishli bo’lgan xo’jalikda o’quv markazini ochish va uni rivojlantirish uchun moliyalashtirish manbalaridan kredit olish orqali o’quv markazi uchun kerakli jixozlar sotib olish rejasini ishlab chiqdi, bu xizmat orqali 9 nafar kishini ish bilan ta’minlashni o’z oldiga maqsad qilib qo’ygan.
O’quv markazlari bu eng ommabop biznes sohasi bo’lib, uning potentsiali O’zbekistonda talablar soni yuqoriligi, erkin yondashuv muhiti va daromadli ekanligi bilan boshqa sohalardan ajralib turadi.
Hozirgi kunda o’quv markazlari segmentida mazkur biznesning o’y sharoitida ochish tendentsiya hisoblanadi. Uzluksiz ta’lim tushunchasi odamlarni umr bo’yi maktabgacha ta’limdan pensiya yoshigacha bo’lgan davrda ham o’quv markazlari xizmatlaridan foydalanishga imkoniyat borligi mazkur biznes daromadliligini oshiradi. Zamonaviy o’quv platformalari kirish uchun minimal chegarani belgilab beradi va ushbu biznesning yaxshi rentabelligini ta’minlaydi.
Sifatli ta’lim, professional pedagog va o’qituvchilar, mo’tadil narx va noadatiy o’qitish tizimi sizni raqobatchi o’quv markazlari orasidan yorib chiqib, liderlik darajasiga yetishingiz uchun yaxshi yo’l hisoblanadi.
Loyihani muvaffaqiyatli amalga oshirishda bir qator muhim omillar mavjud, jumladan:
– hukumatimiz tomonidan tadbirkorlikka keng yo’l ochib berilganligi;
– tadbirkorning mazkur sohani tadbiq qilish hamda ushbu sohani rivojlantirish uchun yetarli tajribaga ega ekanligi;
– tadbirkorning mazkur faoliyat turi bilan shug’ullanishi uchun sharoitlarning mavjudligi;
– aholining maishiy xizmatlarga bo’lgan talabning doimiy yuqoriligi;
– kredit manbalarining mavjudligi.
