Milliy ehtiyojlar uzluksiz gondirilishi uchun iqtisodiyot doimo o’sib borishi talab qilinadi.
Chunki shunday yo’l bilangina kishilar iste’moliga zarur bo’lgan tovar va xizmatlar ko’plab va xilma-xil yaratiladi. Iqtisodiy o’sish’ – bu iqtisodiyotning rivojlanishi, ya’ni hayotiy ne’matlar bo’lgan tovar va xizmatlarning ishlab chiqarilishining ko’payib borishidir.
Iqtisodiyot nazariyasi umuminsoniy fan bo‘lib, quyidagi funksiyalarni bajaradi:
1. Iqtisodiy sir-asrorlarni o‘rganish, bilib olish.
Iqtisodiy hodisalar va ularning bog‘lanishlarini har tomonlama o‘rganish, ularning qonunlarini ochishga yordam beradi. Ular asosida esa milliy iqtisodiyot rivojlanadi. Buning uchun turli-tuman axborotlar, faktlar, statistik ma’lumotlar, hujjatlar, obro‘li olimlar va arboblarning kitoblari, ishlari o‘rganiladi.
2. Iqtisodiy jarayonlarning rivojlanishini oldindan aytish — prognoz qilish
(yunoncha “prognosis” — oldindan ko‘rmoq, bajarmoq, qilmoq). Iqtisodiyot nazariyasi iqtisodiy jarayonlarni o‘rganish natijasida yaqin kelajakda jamiyatning ilmiy-texnik va sotsial-iqtisodiy rivojlanish istiqbollarini ilmiy asoslab beradi. Mikromiqyosda esa har bir xo‘jalik yurituvchi sub’yekt o‘z manfaatidan kelib chiqib, kelajakda qanday faoliyat yuritish masalalari bo‘yicha ma’lum bir qarorga keladi.
