Pul-kredit munosabatlarining iqtisodiyotda tutgan o’rni va vazifalari

Pul-kredit siyosati davlat iqtisodiy siyosatining tarkibiy qismi sifatida iqtisodiyotni rivojlantirishning muhim omili hisoblanadi.
Ammo pul-kredit siyosatini amalga oshirishda yo‘l qo‘yilgan xatolar iqtisodiyotda salbiy oqibatlarga, xususan, inflyasiya jarayonlarining kuchayishiga, ishlab chiqarishning pasayishiga, qolaversa, mamlakat iqtisodiyotining inqirozga yuz tutishiga ham olib kelishi mumkin. Shu bois iqtisodiy inqirozning oldini olishda va makroiqtisodiy barqarorlikni mustahkamlashda pul-kredit siyosatining samaradorligini oshirib borish muhim ahamiyat kasb etadi.
Pul-kredit siyosati umumdavlat iqtisodiy siyosatining tarkibiy va ajralmas qismi sifatida mamlakatda makroiqtisodiy barqarorlikka erishish, iqtisodiy o‘sishni ta’minlash va uni mustahkamlashda eng muhim o‘rinni egallab kelganligi allaqachon jahon tajribasida isbotlangan va u hozirgi paytda ham iqtisodiyotda o‘z samarasini bermoqda.