Biznes reja quyidagi tarkibiy qismlarni o’z ichiga oladi:
1. Loyihaning maqsadi
2. Loyihaning qiymati
3. Tashkiliy reja
4. Ishlab chiqarish rejasi
5. Moliyaviy reja
6. Xulosa
LOYIHANING MAQSADI
Ushbu loyihani amalga oshirishdan maqsad, sartaroshlik biznesini tashkillashtirishni asoslashdir.
Loyiha g’oyasi shundan iboratki, aholiga maishiy xizmat qilish va sartaroshlikni rivojlantirish maqsadida, ya’ni tadbirkor o’ziga tegishli bo’lgan xo’jalikda ayollar sartaroshxonasini ochish va uni rivojlantirish uchun moliyalashtirish manbalaridan kredit olish orqali sartarosh xona uchun kerakli jixozlar sotib olish rejasini ishlab chiqdi, bu xizmat orkali 8 nafar kishini ish bilan ta’minlashni o’z oldiga maqsad qilib qo’ygan.
Chiroyli turmak, manikyur, parvarishlangan teri — har qanday ayolning tashqi ko’rinishining muhim tarkibiy qismi. Ba’zi erkaklar ham so’nggi vaqtlarda bunday jihatlarga e’tibor bilan qaraydigan bo’lishgan. Insoniyatning azaliy intilishlaridan biri — go’zal tashqi ko’rinishga erishish ortidan boylik orttirsa bo’ladimi? Ushbu maqolada go’zallik salonini ochish, uni yuritish va daromad olish xususida so’z boradi.
Qizig’i, ko’p mutaxassislar endigina tadbirkorlik yo’lidan ketishga otlanayotganlarga o’z “kuchini” sinab ko’rish uchun ishni aynan go’zallik salonidan boshlashni maslahat berishadi. Bir narsani unutmaslik kerak: har qanday ishni boshlashdan oldin avval o’sha soha bozorini sinchkovlik bilan o’rganib chiqish zarur.
Go’zallik saloni ochishdan oldin maqsadlaringizni aniq belgilab olishingiz darkor. Kichikroq oilaviy biznes tarafdori bo’lsangiz, standart xizmatlar — soch turmaklash, kesish, bo’yash, qosh terish, makiyaj kabilar ko’rsatiladigan oddiy salon yetarli. U yil mobaynida barqaror kirimni ta’minlab turadi. Bunday salonni chekka qishloq joylarda ham hech cho’chimay tashkil etish mumkin. Asosiy mijozlar — mahalla-ko’y, qo’ni-qo’shnilar, yon-atrofdagi ishxonalarning xodimlari.
O’rtacha darajadagi go’zallik salonini yo’lga qo’yish uchun nisbatan kattaroq mablag’ kerak bo’ladi. Xizmat darajasi yuqori bo’lishi talab etiladi. Ish mavsumiyligi bilan ajralib turadi — bayramlar oldidan, bahor boshlanishi va qish o’rtalarida ayniqsa odam bilan to’lib-toshadi. Bunday salonlarda manikyur, pedikyurdan boshlab ko’rsatiladigan xizmat turlarini oshirish mumkin.
Elita darajasidagi salonni ochishga shoshmagan ma’qul. Bu ko’zga tanilib ulgurgan brendlar va mashhur stilistlar uchun yaxshi imkoniyat, ammo sohaga endi kirib kelayotganlar uchun emas. Bunday darajadagi salonlarda mijozlar boshqacharoq qadriyatlar uchun pul to’lashadi, bular: muassasaning obro’-e’tibori, ko’rinishi, kayfiyat yarata olishi. Bunday salon egasi muassasa imijini saqlab turish uchun sarf-xarajat qilishiga to’g’ri keladi. Unda hamma narsa eng yaxshisi bo’lishi kerak: asbob-uskunalar, ishchilar, ish davomida qo’llaniladigan materiallar.
Agar go’zallik saloni ochmoqchi bo’lsangiz, eng oddiysidan boshlaganingiz ma’qul. Imkoniyat darajasidan kelib chiqib, bir nechta tumanlarda shunday go’zallik saloni faoliyatini yo’lga qo’ysangiz bo’ladi. Keyin o’rtacha darajadagi bir-ikkita salonga qo’l urib ko’ring. Sekin-asta shaharning qoq markazidan eng yaxshi uskunalarga ega bo’lgan muassasa ochishga mablag’laringiz bo’ladi.
O’z ishining ustalari, professional yondashuv, hamyonbop narxlar saloningizni oz muddatda elga tanitadi.
