Shartnoma va hisobotlar mazmuni

Ikki va undan ortiq tomonning fuqarolik huquqlari va majburiyatlarini belgilash, o’zgartirish yoki to’tatish yo’lidagi kelishuvidir, boshqacha qilib aytganda, shartnoma tomonlarning biron – bir munosabat o’rnatish haqidagi kelishuv (bitimi) ni qayd etuvchi va bu munosabatlarni tartibga soluvchi hujjatdir.
Shartnoma davlat , kooperativ, jamoat yoki hususiy tashkilotlar, korxonalar, muassasalar, shuningdek, fuqarolar o’rtasida tuzilishi mumkin.
Shartnoma munosabatlari muassasa bilan ayrim shaxs yoki shaxslar o’rtasida o’rnatilayotganbo’lsa, bunday tuzilajak hujjat aksar xollarda mehnat bitimi deb ataladi.
Muassasalar o’rtasida keng tarqalgan shartnoma turlariga mol (Tovar) yetkazib berish, pudrat, imoratlar ijarasi, asbob – uskunalarni o’rnatish haqidagi shartnomalarni ko’rsatish mumkin.
Shartnomalar muassasalarga tegishli bo’lganda, tomonlar imzolangunga qadar unda muayyan muassasahisobchisi va adliya maslahatchisining rozilik belgisi (vizasi) bo’lishi maqsadga muvofiqdir.
Tomonlar mazkur hujjatning barcha bob va qismlari bo’yicha kelishib olib, uni tegishli ravishda rasmiylashtirganidan keyingina shartnoma tuzilgan hisoblanadi.