Yugoslaviya

Yugoslaviya urush davrida ulkan Yo’qotishlarga uchradi. 1,7 million kishi halok bo’ldi. Bu – Angliya, Fransiya, AQSHda jami halok bo’lganlardan ham ko’p. Bosqinchilar ko’plab metallurgiya, kimyo, to’qimachilik sanoati korxonalarini yo’q qildi yoki ishdan chiqardi, ko’priklarni portlatdi, 223 shaxtani, barcha temir yo’llarni buzib tashladi yoki zarar yetkazdi. Urush harakatlari hali davom etayotgan paytdayoq aniq bo’ldiki, Yugoslaviyada ilgarigi markazlashgan davlat tuzumiga qaytish bo’lishi mumkin emas. 1945-yilning aprel-mayida Serbiya, Xorvatiya, Makedoniya, Chernogoriya, Bosniya va Gersogovina, Sloveniya hukumati tuzildi. Yugoslaviyada yangi davlat apparati tashkil topdi. 1945-yil martda losif Broz Tito Belgradda Yugoslaviyani ozod etish milliy qo’mitasi vakillaridangina iborat hukumatni shakllantirdi.