KIRISH
Bitiruv malakaviy ishi mavzusining dolzarbligi. Mustaqil mamlakatimiz yuksalish sari odimlab bormoqda, chunki hukumatimizning asosiy maqsadi mamlakatimiz iqtisodiyotining barqaror o’sishini ta’minlash orqali aholining, har bir oilaning turmush farovonligini yuksaltirish, uning farovon hayot kechirishini ta’minlashdan iboratdir. Bu siyosiy, ijtimoiy va iqtisodiy ahamiyatga ega bo’lgan muammodir. Uni hal etish borasida mustaqillik yillarida keng ko’lamda chuqur huquqiy, iqtisodiy, ijtimoiy, ma’naviy va ma’rifiy islohotlar amalga oshirildi. Bular sezilarni natijalarga erishish imkonini berdi. Jumladan, XXI asrning dastlabki yillaridan boshlab respublikamiz iqtisodiyotida uzluksiz yuksalish jarayonlari, iqtisodiyotning o’sishi ro’y berdi.
XULOSA VA TAKLIFLAR
Aholi turmush farovonligini oshirishning asosiy yo’nalishlarini tadqiq qilish jarayonida quyidagi xulosalarga kelindi, nazariy tavsiyalar bilan amaliy takliflar ishlab chiqildi: 1. Aholi daromadlari va xarajatlari hamda farovonligini oshirishda tashkiliy-iqtisodiy omillar tizimini rivojlantirish masalalari yaxlit holda tadqiq qilinmaganligi asoslandi. 2. Aholi turmush farovonligini oshirishda aholi daromadlari va xarajatlari mamlakat mikroiqtisodiyotining tarkibiy qismi ekanligi, ularning aksariyat qismi xizmat sohasi bilan bog’liqligi va ularning mulki, daromadi va xarajatlarining turlari, ularni tasniflanish belgilari, tasnifi, har birining tavsifi ishlab chiqish va ularni nazariy jihatdan asoslash lozim, degan xulosaga kelindi.
