Ajdodlar xotirasi-mangu barhayot

Xotira va qadrlash tushunchasi chuqur ma’noga egadir. Ushbu kunda fashizmga qarshi kurashlarda qatnashgan, qolaversa o‘z vatanini himoya qilishda jonini fido qilgan, xalq orzu qilgan erkinlik uchun kurashgan milliy qahramonlarimizni ruhini shod etib eslashdir.
1999 yil 9 may kunidan buyon Xotira va qadrlash kuni sifatida nishonlanmoqda. Ushbu bayram mustaqil O‘zbekistonda asrlar davomida qahramonlarcha o‘lkamizni himoya qilgan, uning erkinligi, mustaqilligi va xalqining tinchligi uchun kurashgan vatandoshlar xotirasiga bag‘ishlangan.
Xususan, To‘maris, Shiroq, Spitamen, Jaloliddin Manguberdi, Temur Malik, Najmiddin Kubro kabi qahramonlar va asrlar davomida xalq orzu qilgan erkinlik uchun kurashgan Qodiriy, Behbudiy, Munavvar-qori, Cho‘lpon, Avloniy, Fitrat, Usmon Nosir kabi milliy qahramonlarimizni ruhini shod etib eslash ham qarz ham farzdir.