Qisqacha ma'lumot
Chumchuq va chivin
«O‘zbek tilining etimologik lug‘ati»da izohlanishicha, tilimiz tarixida «chumchuq” so‘zining «chib-chiq” shakli bo‘lgan va bu so‘z “kichkina jonivor” degan ma’noni anglatgan. “Chumchuq semirsa, botmon bo‘lmas” degan maqol ham bu qushning kichkinaligiga ishora qiladi.
Modomiki, “chibi” so‘zi kichkina ma’nosini anglatar ekan, u holda “chibin” so‘zi ham unga aloqador bo‘lishi mumkin. Chunki chivin chumchuqdan ham juda kichkina. Shuningdek, xalq tilida yoshiga yetmagan, hali tug‘magan echki ham “chibich” deb ataladi. Chivin ham kichik jonivor bo‘ladi.
