GATT va JSTning savdo prinsiplari (erkin savdo prinsipi)

JST 1947 – yil tuzilgan xalqaro tashkilot – GATT (General Agreement on Tariffs and Trade)ning davomchisi bo’lib, tashkilot mamlakatlar o’rtasidagi o’zaro savdo muloqotlarini o’tkazish va bu boradagi nizolarni hal etish imkoniyatini beruvchi global maydon hisoblanadi. Bugungi kunda dunyoning 164 ta davlati unga a’zo. Jahon savdo tashkiloti ular o’rtasidagi savdo munosabatlarini tartibga soladi. Shu bilan birga, JSTda BMT va boshqa xalqaro institutlardan farqli o’laroq, a’zo mamlakatlar tomonidan majburiy ravishda rioya etiladigan xalqaro savdo qoida va tamoyillaridan tashqari, mamlakatlar o’rtasida erkin savdoni amalga oshirilishini ta’minlovchi, savdo tartiblarini samarali qo’llash va o’zaro nizolarni hal etish mexanizmi mavjud.