Hujjatchilik tarixi va uning shakllanib borishi

Insoniyat tarixida yozuvning ixtiro qilinishi bilan bog`liq ravishda yozma nutqning vujudga kelishi hamda taraqqiy eta borishi asosida eng qadimgi zamonlardan boshlab kishilik jamiyatida insonlarning o`zaro turli-tuman munosabatlarini aks ettiruvchi yozishmalar, solnomalar, hujjatlar, badiiy, ilmiy, tarixiy asarlar yaratib kelingan. Hujjatlar kishilar, jamoalar o`rtasidagi huquqiy munosabatlarni tartibga solish, davlat ichidagi hamda davlatlararo ijtimoiy, iqtisodiy, siyosiy, madaniy, ma’rifiy, harbiy sohalarda aloqalar o`rnatish, hamkorlik qilish, mavjud aloqalarni yanada mustahkamlash va rivojlantira borishlari uchun xizmat qilib kelgan.
Hujjatlar ish yuritishning asosini tashkil etadi. Hujjatlar kishilik jamiyatining shakllanishi bilanoq bu jamiyat a’zolari o’zaro munosabatlaridagi muayyan muhim hujjatlarni muntazam va qat’iy qayd etib borishga ehtiyoj sezganlar. Shu ehtiyoj sifatida ilk ibtidoiy hujjatlar yuzaga kelgan. Kishilik jamiyatining taraqqiyoti ijtimoiy-iqtisodiy va siyosiy munosabatlarning takomillasha borishi baravarida hujjatlar ham takomil topib borgan. Fanga tariximizning turli davrlarida o’rxun -enasoy , so’g’d, eski uyg‘ur-arab va boshqa yozuvlarda bitilgan juda ko’plab, hujjatlar, yozma manbalar ma’lum.