Inson ma’naviy kamolotida Islom dinining o’rni

Qur’oni karim, hadislar va shariat ko‘rsatmalari inson ma’naviy-ma’rifiy kamolotining asosi bo‘lgan axloq-odob tarbiyasining barcha qirralarini o‘z ichiga olgan. Sirasini aytganda, hadislar ma’naviy-axloqiy tarbiyaga oid bo‘lgan fikrlarning mukammal to‘plamidir.
Payg‘ambarimiz hadislarining eng muhim va salmoqli qismi kishilarda yuksak insoniy fazilatlarni shakllantirishga qaratilgan. Undagi ota-onaga munosabat, ilmga muhabbat, sabr-bardosh, shukronalikka da’vat, o‘zaro mehr, inoqlik, mehmondo‘stlik, etimparvarlik, vafo va sadoqat, mehnatsevarlik va halol luqmani
sharaflash, kamtarlik va kamsuqumlik, samimiyat va rostgo‘ylik, to‘g‘rilik va halollik kabi xislatlarning birinchi o‘ringa qo‘yilishi
insoniyat uchun bebaho ma’naviy qadriyatlar silsilasini tashkil etadi.