Mamlakatimizda pul-kredit siyosatini takomillashtirishda bank tizimini rivojlantirishning ustuvor yo’nalishlari

1. Tijorat banklari faoliyatini tartibga solish va nazorat qilish tizimini xalqaro andoza va me’yorlar, shu jumladan, bank nazorati bo‘yicha Bazel qo’mitasining yangi tavsiyalari asosida takomillashtirish bo’yicha ishlarni davom ettirish.
2. Tijorat banklarida korporativ boshqaruv tizimini xalqaro me’yor va andozalar asosida yanada takomillashtirish borasidagi ishlarni davom ettirish.
3. Tijorat banklari kapitallashuv darajasini yanada oshirish, resurs bazasini mustahkamlash va diversifikasiyalash.
4. Iqtisodiyotning real sektorini moliyaviy qo’llab-quvvatlash hajmini yanada oshirish, shu jumladan, tijorat banklarining investision faolligini kuchaytirish hamda investision loyihalarni moliyalashtirishdagi ishtirokini yanada kengaytirish.
5. Kichik biznes va xususiy tadbirkorlik sub’ektlarini moliyaviy qo’llab-quvvatlash bo‘yicha ishlarni yanada faollashtirish.
6. Ko’rsatilayotgan bank xizmatlarining turini yanada kengaytirish va sifatini yaxshilash, xususan, bank infratuzilmasini, ayniqsa, qishloq joylarda axborot-kommunikasiya texnologiyalarini keng qo’llagan holda masofadan turib xizmatlar ko‘rsatishni yanada kengaytirish.
7. Tijorat banklari va bank-moliya tizimi faoliyatini baholash tizimini xalqaro amaliyotda qo’llaniladigan me’yorlar, mezonlar va andozalarni joriy etish hisobiga yanada takomillashtirish bo’yicha ishlarni davom ettirish.
8. Tijorat banklarida buxgalteriya hisobi va hisobotini xalqaro me’yor va standartlar asosida yanada takomillashtirish.
9. Mikromoliyalash va nobank kredit tashkilotlari faoliyatini yanada rivojlantirish.
10. Garov reestri tizimi faoliyatini kengaytirish va rivojlantirish bo‘yicha ishlarni davom ettirish.
11. Moliya-bank tizimi faoliyatining qonunchilik bazasini xalqaro andozalar va tamoyillar asosida yanada takomillashtirish bo’yicha ishlarni davom ettirish.