Markaziy Osiyoda o’rta asr voizlik san’ati

Markaziy Osiyoda, xususan, hozirgi O’zbekiston hududida, nutq madaniyati va notiqlik san’ati o’z-o’zidan birdaniga vujudga kelgan emas. Uning chuqur tarixiy ildizlari va g’oyaviy manbalari mavjud bo’lib, qadimda voizlik san’atiga katta e’tibor berilgan, uning ko’plab iste’dodli namoyandalari ibrat ko’rsatib, boy meros qoldirib ketganlar.
«Va’z» so’zi arabcha targ’ib qilish, pand-nasihat degan ma’nolarni anglatadi; «voiz» so’zi esa va’z aytuvchi, nutq so’zlovchi shaxs ma’nosini bildiradi. Voizlik san’ati tinglovchining, jamoaning ongiga, his-tuyg’usiga ta’sir etish mahorati bo’lib, hozirgi vaqtda u notiqlik san’ati deb yuritilmoqda.