O‘qituvchilar malakasini oshirish jarayonini pedagogik tashxis vositasida takomillashtirishga xizmat qiladigan metodikaning samaradorlik darajasi

Biz tajriba-sinov ishlari jarayonida quyidagilarni aniqlashga harakat qildik: Pedagogik tashxisni o‘qituvchilar malakasini oshirish jarayonida qo‘llash bo‘yicha ishlab chiqilgan metodikaning samaradorlik darajasini ko‘rsatish. Tadqiqot ilmiy farazining to‘g‘riligini aniqlash.
Ishlab chiqilgan pedagogik tashxis metodlarining maqsadga muvofiqligi va ilmiy asoslanganligini isbot qilish. O‘qituvchilar malakasini oshirish jarayonini tabaqalashtirishda pedagogik tashxisning o‘rni va ahamiyatini belgilash. O‘qituvchilar faoliyatidagi pedagogik qiyinchiliklarni aniqlash va bartaraf qilishda pedagogik tashxisning o‘rnini belgilash. O‘qituvchilar malakasini oshirish sifati va me’yorlarini aniqlashda pedagogik tashxisdan foydalanish.
Ishlab chiqilgan ilmiy xulosa va tavsiyalarning to‘g‘riligini asoslash.
Tajriba-sinov ishlari bosqichma-bosqich tashkil qilindi. Eng avvalo muammoning tarixi, umumnazariy asoslari va ta’lim islohotida o‘qituvchilar oldiga qo‘yayotgan masalalarni yechishdagi imkoniyatlari nazariy jihatdan o‘rganildi. Shular asosida mavzuga doir falsafiy, pedagogik, psixologik adabiyotlar, me’riy hujjatlar, O‘zbekiston Respublikasi Prezidenti asarlari, “Ta’lim to‘g‘risida”gi qonun, “Kadrlar tayyorlash milliy dasturi” o‘rganildi. Bular o‘z navbatida tajriba-sinov ishlarining asosiy yo‘nalishi, maqsad va mazmuni, jumladan, kuzatish, suhbat, hujjatlarni o‘rganish tizimini belgilash imkonini berdi. Shu bilan bir qatorda, so‘rov (anketa, interv’yu, suhbat) larning natijalarini aniqlashga ko‘maklashdi.
Tajriba-sinov ishlari maxsus ishlab chiqilgan metodika asosida tashkil qilinib, uch bosqichda amalga oshirildi