O’qituvchining ijtimoiy – kasbiy kompetensiyasi

O’qituvchi – nafaqat bilim beruvchi, balki jamiyatni shakllantiruvchi shaxsdir. U faqat o’z fanini mukammal bilishi bilan emas, balki o’quvchilar bilan to’g’ri muloqot qilish, ularni tarbiyalash, ota-onalar bilan ishlash va jamiyat bilan uyg’un bo’lish orqali ham muvaffaqiyatli bo’la oladi. Ijtimoiy-kasbiy kompetentsiya – bu o’qituvchining o’z kasbini puxta egallash bilan birga, ijtimoiy muhitda samarali ishlash qobiliyatidir.
Matematika o’qituvchisi dars o’tishda faqat formulalarni yodlatib qo’ymasdan, hayotiy misollar orqali tushuntiradi. Masalan, «Uy sotib olmoqchi bo’lsangiz, qancha kredit olishingiz kerak?» kabi masalalar o’quvchilarga bilimni amaliy qo’llash imkonini beradi.
Natija: O’quvchilar bilimni hayotga tatbiq etishni o’rganadi,
dars zerikarli bo’lib qolmaydi.
Bir o’quvchi dars paytida doimiy ravishda boshqa bolalarni chalg’itadi va faol emas. O’qituvchi unga baqirish yoki jazolash o’rniga, uni individual suhbatga chaqiradi va sababini bilishga harakat qiladi. Ma’lum bo’lishicha, bolaning oilasida muammolar bor va u e’tibor qidirmoqda. O’qituvchi unga yordam berish uchun maktab psixologi bilan hamkorlik qiladi.
Natija: O’quvchi o’zini tushunganliklarini his qiladi va o’z xulq-atvorini o’zgartirishga harakat qiladi.