Kirish
Bitiruv malakaviy ishi mavzusining dolzarbligi. O’zbekistonda bozor islohotlarini chuqurlashtirishning hozirgi bosqichidagi eng muhim muammolardan biri – bu mamlakat iqtisodiyotini modernizatsiya qilish, ishlab chiqarishni yuqori texnologiyalar bilan ta’minlash, innovatsion iqtisodiyotni rivojlantirish hisoblanadi. Prezident Sh. Mirziyoyev ta’kidlab o’tganlaridek, “Yuqori texnologik ilmiy mahsulotlarni amaliyotga joriy etish uchun yangi zamonaviy tajriba-ishlab chiqarish, konstruktorlik-texnologik tashkilotlar hamda innovatsiya markazlarini tashkil etish zarur. Marketing va litsenziyalash xizmatlari talab darajasida emas. Bu mamlakatimiz ilmiy-innovatsion mahsulotlarini amaliyotga keng tatbiq etishda yaqqol sezilmoqda”.
