Rossiya imperiyasi

Rossiya imperiyasi (boshqa nomi Podsho Rossiyasi) — Rossiya davlati asosida shakllangan davlat. 1721-yilda Pyotr I tomonidan imperiya deb eʼlon qilingan. Rossiya imperiyasi tarkibiga Boltiqboʻyi, Oʻng qirgʻoq Ukraina, Belarus, Polshaning bir qismi, Bessarabiya, Shimoliy Kavkaz (XIX asrdan), shuningdek, Finlandiya, Kavkazorti, Qozogʻiston, Oʻrta Osiyo va Pomir kirgan. XIX asr oxiriga kelib Rossiya imperiyasi hududi 22,4 million km² ga yetgan.
Buyuk Imperator Pyotr IPyotr I davlatning ichki va tashqi siyosatida tub o’zgarishlarni amalga oshirdi.Fors yurishining natijasi (1722-1723) Peterburg tinchlik shartnomasi bo’lib, unga ko’ra Derbent, Boku, Rasht shaharlari va Shirvon, Gilon, Mozandaron va Astrabad viloyatllari Rossiyaga berildi. Shimoliy urush natijalariga ko’ra, qirollik unvonini Evropada qabul qilingan unvonlar tizimiga moslashtirish va Rossiyaning xalqaro maqomini ko’tarish ramzi sifatida Pyotr I Butun Rossiya imperatori va Rossiyaning otasi unvonlarini qabul qildi. Rossiya davlati Rossiya imperiyasi deb atala boshlandi.