Asosiy tushunchalar: Til va yozuv masalalari. Yozuv haqida umumiy tushuncha. O’zbek yozuvlari tarixi. O’zbek yozuvlarining rivojlanish bosqichlari.Grafika. Orfografiya, hududiylik, me’yorlashtirilgan tillar, qadimiy tillar,xalqaro tillar, milliy til, umumxalq tili, sun’iy til, adabiy til, sheva, sotsiolekt, dialekt, argon, jargon.
Yozuvning paydo bo‘lishi va rivojlanishi kishilik jamiyati bilan mustahkam bog‘liq. Til insoniyat tarixi qadar qadimiydir. Til jamiyat taraqqiyoti bilan birga rivojlanadi, ijtimoiy o‘zgarishlar natijasida tilning grammatik qurilishi takomillasha boradi. Til taraqqiyoti jamiyat taraqqiyoti bilan uzviy bog‘langan. Kishilik tarixidan shu narsa ma’lumki, avval urug‘ tili, keyin qabila tili, elat, xalq va millat tili shakllangan. Shevalarda tilning muayyan taraqqiyot bosqichlariga xos urug‘, qabila, elat tili xususiyatlari o‘z izini qoldirgan.
