Tropik qushlar

Osiyo va Afrika tropiklaridagi eng diqqatga sazovor qushlardan biri Karkidon – qushidir. Qushning o’ziga xos xususiyati uning katta qayrilgan tumshug’i bo’lib, unda ko’pincha g’aroyib shakldagi buqoq – o’simtalar bo’ladi. Bu oilaga kiruvchi qushlarning kichiklari ham, shuningdek, yirik, tanasining uzunligi 160 sm ga yetadiganlari ham bo’ladi. Karkidon qushlar mayda ilonlar, kaltakesaklar, hasharotlar, meva va rezamevalar bilan oziqlanishadi. Modasi kovakdagi inidan chiqmay, unda kichkinagina yoriqcha qoldirib, polaponlari tug’ulmaguncha, yoki uchib chiqmaguncha yotadi. Nari osha yoriqchadan modasiga oziq olib kelib, berib turadi.
Kazuar – Avstraliya tropik o’rmonlaridan makon topgan. Bu qush ucha olmaydi, biroq soatiga 50 km tezlikda yuguradi va 1,5 m balandlikga sakraydi. Qora sochsimon patlari tanasini mo’ydek qoplagan tuksiz boshini shoxsimon o’simta tojdek bezagan. Bu qushlar inlarini barg va o’t – o’lanlardan yerga quradi. 3- 5 tadan juda katta tuxum qoyib, 40sutka bosib yotadilar. Kazuarlar yerga uzulib tushgan mevalarni yeb oziqlanadi.
Ara – eng yirik to’tiqushlardan bo’lib, u Janubiy Amerika tropik o’rmonlarida yashaydi. O’z nomini, juda qattiq ovozda » Ara» deb qichqirishi tufayli olgan. Uning patlari chiroyli, dumi uzun, » chehrasi» yalong’och, tuksiz.
Kakadu esa kattaligi bo’yicha to’tiqushlar orasida ikkinchi o’rinda turadi. Uni Yangi Gvineya, Avstraliya va Tasmaniya va tropik orollarda uchratish mumkin.