Aylana sirtlari. 2-tartibli sirt

Sirt — asosiy geometrik tushunchalardan biri, maʼlum shartlarni qanoatlantiruvchi nuqtalar toʻplami. Masalan, shar sirti (sfera) — shar markazidan bir xil masofada tarqalgan nuqtalar toʻplami.
Sirt (matematikada) — fazoning ikki qoʻshni sohasidagi umumiy qism; geometriyaning asosiy tushunchalaridan biri. Maktab geom. kursida fakat tekislik, koʻpyoqlik va ayrim egri sirtlar qaralib, ularning har biri aniq, shartlar asosida taʼriflanadi. Masalan shar sirti berilgan nuqtadan biror aniq masofadagi nuqtalar toʻplami deb qaraladi.
Matematik jihatdan Sirtning qatʼiy taʼrifi topologiya tushunchalariga asoslanadi; bunda sodda sirtning tushunchasi asosiy rol oʻynaydi. Sodda sirt deganda, uzluksiz deformatsiya (choʻzilish, qisilish, egilish)ga uchragan oddiy tekislik boʻlagini tasavvur etish mumkin. Masalan kvadrat ichki yuzlarining gomeomorf (yaʼni oʻzaro va uzluksiz) aksi sodda sirtdir.