Boshlang’ich sinf o’quvchilarida sog’lom hayot tarzini shakllantirish

Taʼlim tizimida sogʼlom turmush tarzini targʼib qilish turli yoʼnalishlarda izchillik bilan, muayyan dastur asosida, aniq yoʼnalishlarda olib borilishi lozim. Xususan, bu avvalo oliy pedagogik taʼlim jarayonida talabalarga sogʼlom turmush tarziga oid muayyan tibbiy va gigienik bilimlar berish, ularda sogʼlom turmush tarzini saqlashning inson tanasi takomiliga taʼsiri haqidagi tushunchalarni shakllantirishga qaratilsa, ikkinchi tomondan, yoshlarda qatʼiy rejim asosida gigienik qoidalarga amal qilish, oʼzi va yon-atrofdagilarning sogʼligʼini asrashni kundalik odatga aylantirish koʼnikmalarini tarkib toptirish bilan bevosita aloqadordir. Shuningdek, sogʼlom turmush tarzi ommaviy axborot vositalari orqali keng targʼib etilishi bilan birga, barcha taʼlim-tarbiya maskanlari bilan hamjihatlikda maktab, litsey, kollejlarda beriladigan taʼlim-tarbiya mazmuniga chuqur singdirilmogʼi lozim.