Gaplar

Qisqacha ma'lumot

Borliq hodisalarini tasdiq yoki inkor bilan xabar qiluvchi gaplar darak gap deyiladi: Bu yil institutimizning yubileyi bo‘ldi. Darak gaplar xabar, orzu-umid, taajjub, tashvish, gina, kinoya kabilarni ifoda qiladi. Darak gap ba`zan istak, gumonni ifoda qilishi mumkin: Zulfiya tezda kelib qolar. ​
Darak gapning sintaktik shakli bilan sintaktik ma`nosi o’rtasida mutanosiblik mavjud: sintaktik darak ma`nosi gapning sintaktik darak shakli orqali ifodalanadi. ​
Darak gapning kesimi ko‘pincha aniqlik maylining o‘tgan, hozirgi, kelasi zamon shakllari bilan ifodalanadi.​
Darak gap xabar intonatsiyasi bilan aytiladi. Bunda ohang gapning birinchi qismida ko‘tariladi, ikkinchi qismida esa pasayib boradi. Darak gap nutqda, gapning boshqa turlariga qaraganda, ko‘p qo‘llaniladi. Hatto, butun-butun matnlar ham darak gaplardan tashkil topadi.