Inson xotira tuyg’usi bilan barhayot

Insoniyat ikkinchi jahon urushida qatnashgan, bu ayovsiz jang-u jadalda qahramonlarcha halok bo‘lganlar xotirasini aslo unutmaydi.
1945-yil 9-may jumlai-jahonni larzaga solgan, millionlab insonlarning yostig‘ini quritgan, hayotini izdan chiqargan, qalblarini majruh qilgan katta muhorabaning tinchlikka yug‘rilgan ya’ni, fashizm ustidan qozonilgan g‘alaba kuni. Bu yil ushbu shukuhli sanaga 78 yil to‘ladi. Biroq, bu – urushning kasri, olovli zahmi uzoq yillarga qadar armonli iz qoldirganki, necha yil o‘tmasin, insoniyat u kunlarni aslo unutmas.​
O‘tgan yillar mobaynida marhumlarni yod etish, keksalar, bemorlar, ehtiyojmand oilalar holidan xabar olish nafaqat o‘zbeklar, balki yurtimizda istiqomat qiladigan barcha millat va elat vakillari uchun odat tusiga kirdi. Binobarin, o‘tganlar xotirasi oldida ta’zim bajo keltirish, insonni tiriklik chog‘ida qadrlashdek hayotiy qarashlar el-yurtimizning qon-qoniga singib borayotgani tarbiyaviy ahamiyat kasb etmoqda.