Yurtimiz allomalarining islom sivilizatsiyasi rivojiga qo’shgan hissasi

G‘ulom Mirzo – Poytaxtimizda 14 avgust kuni Toshkentning 2007 yilda islom madaniyati poytaxti deb e’lon qilinishiga bag‘ishlangan xalqaro ilmiy-amaliy konferensiya boshlandi.​
Mustaqillik yillarida O‘zbekiston dunyo hamjamiyatida o‘zining munosib o‘rnini egalladi. Bugun uning jahondagi obro‘-e’tibori tobora yuksalmoqda. Bu, ayniqsa, mamlakatimizda demokratik va bozor iqtisodiyotiga oid islohotlarni amalga oshirish natijasida qo‘lga kiritilayotgan ulkan yutuqlarning xalqaro hamjamiyat tomonidan e’tirof etilishida, davlatimizning mintaqada barqarorlik va xavfsizlikni mustahkamlashga qaratilgan tashabbuslari berayotgan samaralarda o‘z ifodasini topmoqda.​
Bunda O‘zbekiston o‘zining har tomonlama puxta ishlangan, chuqur o‘ylangan tashqi siyosatiga qat’iy amal qilgan holda, xalqaro maydonda yetakchi o‘rin tutadigan davlatlar, ko‘plab xorijiy mamlakatlar bilan uzviy aloqalarni mustahkamlashga alohida e’tibor qaratayotgani, shuningdek, yirik xalqaro tashkilotlar bilan samarali hamkorlikni yo‘lga qo‘ygani muhim omil bo‘lmoqda.