Har qanday davlatning taraqqiyoti, avvalo, ta’lim tizimining sifatiga bog‘liq. Ayniqsa, boshlang‘ich ta’lim bosqichi o‘quvchilarning keyingi bilim olish jarayoni uchun mustahkam poydevor vazifasini bajaradi. Shu sababli bugungi kunda boshlang‘ich sinflarda matematik savodxonlikni rivojlantirish masalasi dolzarb ahamiyat kasb etmoqda. Matematik savodxonlik nafaqat sonlarni hisoblash yoki misollarni yechish ko‘nikmasini, balki kundalik hayotda uchraydigan muammolarni matematik fikrlash orqali hal qila olish, mantiqiy xulosa chiqarish va to‘g‘ri qaror qabul qilish qobiliyatini ham o‘z ichiga oladi. Hozirgi zamonaviy ta’lim tizimida o‘quvchilarni faqat nazariy bilimlar bilan qurollantirish yetarli emas. Ularni mustaqil fikrlashga, tahlil qilishga va olingan bilimlarni amaliyotda qo‘llashga o‘rgatish muhim vazifa hisoblanadi. Shu nuqtai nazardan, matematika fanini o‘qitishda zamonaviy pedagogik texnologiyalar va innovatsion metodlardan foydalanish alohida ahamiyatga ega. Chunki an’anaviy darslarda o‘quvchilar ko‘proq tayyor bilimni qabul qiluvchi bo‘lsa, zamonaviy yondashuvlarda ular bilimni izlab topuvchi va faol ishtirokchiga aylanadi. Boshlang‘ich sinflarda matematik savodxonlikni rivojlantirishning samarali usullaridan biri interfaol metodlardan foydalanishdir. Interfaol metodlar o‘quvchilarning darsdagi faolligini oshiradi, ularni fikr almashishga va hamkorlikda ishlashga undaydi. Masalan, “Aqliy hujum”, “Klaster”, “Insert”, “Sinkveyn” kabi metodlar o‘quvchilarning mustaqil fikrlashini rivojlantiradi. Bunday mashg‘ulotlar davomida bolalar o‘z fikrlarini erkin ifoda etadi, turli yechimlarni taqqoslaydi va eng maqbul variantni tanlashga harakat qiladi. Natijada ularning matematik tafakkuri va mantiqiy fikrlash qobiliyati shakllanadi. Matematik savodxonlikni rivojlantirishda o‘yin texnologiyalarining o‘rni ham beqiyosdir. Boshlang‘ich sinf o‘quvchilari uchun o‘yin eng tabiiy faoliyat turi hisoblanadi. Shu sababli matematik topshiriqlarni turli didaktik o‘yinlar orqali
