Maruza rejasi : Donorlikni rivojlanish tarixi ; Donorlikka ko‘rsatma va qarshi kurash ; Donorlik turlari ; O‘zbekiston Respublikasining “ Donorlik to‘g‘risida”gi qonuni . Transfuziologiya — qon quyish , qonni saqlash , donorlikni tashkil etish , qon preparatlari va o‘rnini bosuvchilardan foydalanish hamda qon quyish asoratlarini oldini olish va davolashni o‘rganuvchi fan. Qon quyish tarixida 5 davr ajratiladi . Birinchi davr 1628 yilgacha davom etib , qadimdan kasalliklarni davolashda qon berish qo‘llangan . Gippokrat ham epilepsiya bemorlariga qon berishni foydali deb hisoblagan . Ikkinchi davr 1628 yildan boshlanadi . Uilyam Xarvey qon aylanish qonuniyatini kashf etgach , qon va eritmalarni tomirga yuborish tajribalari boshlandi . 1667 yilda Parijda qo‘zi qonini bemorga quyish urinishlari bo‘lgan , ammo keyingi bemorlarda gemolitik shok rivojlangan . Uchinchi davr 1819 yilda Jeyms Blendel tomonidan odamdan odamga birinchi marta qon quyilishi bilan boshlangan . Biroq qon guruhlari noma’lumligi sababli asoratlar ko‘p uchragan . To‘rtinchi davr 1900 yilda Karl Landshteyner tomonidan ABO qon guruhlari aniqlanishi bilan boshlandi . 1907 yilda 4-qon guruhi topildi . 1914 yilda natriy sitrat yordamida qon ivishini oldini olish usuli ishlab chiqildi , bu qonni saqlash imkonini berdi . Beshinchi davr 1919 yilda professor Shamov tomonidan standart zardoblar yordamida qon guruhini aniqlab , xavfsiz qon quyish amaliyotini yo‘lga qo‘yish bilan boshlandi . Shu tariqa zamonaviy transfuziologiya shakllandi . Donorlikni rivojlanish tarixi
