MUNDARIJA KIRISH O‘zbekiston Respublikasida so‘nggi yillarda milliy ma’naviyatni yuksaltirish, yoshlarni buyuk ajdodlarimizning boy ilmiy va adabiy merosi ruhida tarbiyalash davlat siyosatining ustuvor yo‘nalishlaridan biriga aylandi. Bu borada mumtoz adabiyot namunalarini, xususan, g‘azal janrining badiiy-estetik xususiyatlarini chuqur o‘rganish alohida ilmiy ahamiyat kasb etadi. G‘azal asrlar davomida Sharq mumtoz adabiyotining eng yetuk lirik janri sifatida shakllanib, insonning ruhiy olami, muhabbat, komillik, ezgulik, vatanparvarlik va ilohiy-falsafiy qarashlarini yuksak badiiy mahorat bilan ifodalab kelgan. Bugungi kunda Yangi O‘zbekistonda milliy o‘zlikni anglash, tarixiy xotirani tiklash va buyuk ajdodlarimiz merosini keng targ‘ib etish masalalari davlat siyosatining muhim tarkibiy qismiga aylandi. Prezidentimiz Shavkat Mirziyoyev o‘z nutqlarida ma’naviyat va ma’rifatni jamiyat taraqqiyotining asosiy omillaridan biri sifatida e’tirof etib, yosh avlodni milliy va umuminsoniy qadriyatlar ruhida tarbiyalash zarurligini muntazam ta’kidlab kelmoqda. Prezidentimizning fikricha, xalqning ma’naviy taraqqiyoti uning tarixiy merosi va boy madaniyatini chuqur o’rganish bilan uzviy bog’liqdir. 2025-yil 30-yanvarda qabul qilingan «O‘zbekiston–2030» strategiyasini amalga oshirishga oid Davlat dasturida ham ta’lim sifati, yoshlarning ma’naviy kamoloti, milliy qadriyatlarni asrash va madaniy merosni keng targ‘ib qilish ustuvor vazifalar sifatida belgilangan. Mazkur davlat dasturi ilm-fan, ta’lim va ma’naviyat sohalarini rivojlantirish orqali barkamol avlodni tarbiyalashni davlat siyosatining muhim yo‘nalishi sifatida belgilaydi. Shuningdek, O‘zbekiston Respublikasi Prezidentining 2025-yil 26-martdagi PF–61-son Farmoni bilan yoshlar bilan ochiq muloqot davomida belgilangan vazifalarni amalga oshirish chora-tadbirlari tasdiqlanib, yoshlarning intellektual salohiyatini oshirish, kitobxonlikni rivojlantirish, milliy adabiyotni keng targ‘ib qilish va ma’naviy-ma’rifiy ishlarni y
