Islom banklari va ularning Fors ko’rfasi davlatlarining ijtimoiy-iqtisodiyotida tutgan o’rnini, islom bank tizimining tarixi, rivojlanishi va uning jahon bank tizimidagi hozirgi o’rnini o’rganish va uni tahlil qilish bugungi kunning eng dolzarb mavzularidan biri hisoblanadi. Buni bir necha omillar orqali ko’rsatib berish mumkin.
Jahon moliyaviy inqirozi nafaqat rivojlangan sanoat mamlakatlari, balki rivojlanayotgan, ayniqsa, bozor munosabatlari qaror topayotgan davlatlarning ananaviy bank-moliya tizimiga o’z salbiy ta’sirini o’tkazgani va joriy jahon moliya-bank tizimida jiddiy nuqsonlar mavjudligi va uni tubdan isloh qilishning zarurligidan kelib chiqib, nisbatan yosh islom bank tizimini tajribasini va faoliyatini chuqur o’rganish muhim ahamiyat kasb etadi.
