Mustaqillik

Mustaqillik – ozod va obod Vatanning har bir farzandi o’zligini, o’z qadr-qimmati, or-nomusi va g’ururini teran anglashi uchun cheksiz va buyuk imkoniyatdir, – deydi suhbatdoshimiz. – Mamlakatimiz istiqlolga erishgan ilk kunlar meni «Biz shu paytgacha qanday yashayotgan ekanmiz-a, tilimiz, madaniyatimiz, san`atimiz, tariximiz sekin-asta unutilib borayotgan ekan. Bizni ildizlarimiz qayerda, tariximiz qanday?» degan savollar qiynardi. Bolaligimizda bilishimiz shart bo’lgan oddiy haqiqatlarni anglash uchun umrimizning yarmini berib qo’yibmiz. Endi ming-minglab yillar bilan o’lchangulik madaniy merosimizni o’rganishimiz uchun umrimizning qolgan qismi yetarmikin, deb o’yga cho’mgan edim.