Biznes reja quyidagi tarkibiy qismlarni o’z ichiga oladi:
1. Loyihaning maqsadi
2. Loyihaning qiymati
3. Tashkiliy reja
4. Ishlab chiqarish rejasi
5. Moliyaviy reja
6. Xulosa
LOYIHANING MAQSADI
Ushbu loyihani amalga oshirishdan maqsad, qandolat mahsulotlarini xususan rachki konfetlari va pryanik ishlab chiqarish biznesini tashkillashtirishni asoslashdir.
Tadbirkor belgilangan faoliyat turiga asoslanib, ko’zlangan mahsulotlarni sotib olib, yetishtirib xalqimizga arzon va sifatli tarzda, yetkazib berish hamda 7 nafar kishini ish bilan ta’minlashni o’z oldiga maqsad qilib qo’ygan.
Qandolat mahsulotlari yuqori energetik qiymati, xushbuy hidi va ta’mi bilan ajralib turadi.
Qandolat mahsulotlari ikkita katta guruhga bo’linadi: xamirli va shakarli. Shakarli qandolat mahsulotlariga, karamel, iris, shokolad, holva, draje, shakarli sharq shirinliklari kiradi.
Xamirli qandolat mahsulotlariga pechene, kreker (quruq pechene), galetlar, pryanik mahsulotlari, vafli, tort, pirojniy, biskvit ruletlari, kekslar, romovaya baba, xamirli sharq shirinliklari kiradi.
Qandolat mahsulotlarini maxsuslashtirilgan oziq-ovqat korxonalari quyidagi me’yoriy xujjatlar asosida ishlab chiqaradi.
