San`at

San`at – ijtimoiy ong shakillaridan biri bo`lib, insoniyat ma`naviy madaniyatining tarkibiy qismi, dunyoni ma`naviy anglaqshning maxsus turidir. San`atning turli ko`rinishlari voqelikni, undagi xodisa, narsa va holatlarni o`zlariga xos usullar yordamida aks ettiradi (masalan, musiqada- tovushlar, ularning o`zaro bog`lanishi, uyg`unligi orqali, badiiy adabiyotda-so`z, obrazlar orqali). Lekin shu bilan birga ular o`rtasida ma`lum umumiylik mavjud. Bu umumiylik shundan iboratki, ularning hammasida voqelik badiiy – obrazli tarzda aks ettiriladi.