Xalqaro xususiy huquqda meros

Vorislik sohasidagi qonunchilik kolliziyalari
Qonun bo’yicha va vasiyat bo’yicha vorislar doirasini belgilash tartibi turli mamlakatlarda bir xil emas. Vasiyatnoma shakliga qo’yiladigan turli talablar belgilanadi. Meros qoldirilgan mol-mulkni taqsimlashning turli tizimlari mavjud va h.k. Qo’llanilishi lozim bo’lgan huquq to’g’risidagi masalalar: mol-mulk turgan joy qonuni, vasiyatnoma tuzilgan joy qonuni, meros qoldiruvchining fuqaroligi qonuni.
Qonunga muvofiq vorislik huquqiy munosabatlari yuzaga kelishiga asos quyidagilarni o’z ichiga oluvchi yuridik tarkib hisoblanadi:
– meros qoldiruvchining vafot etganligi;
– meros ochilganligi va meros qoldiruvchi bilan qarindoshlik holatida bo’lgan shaxslarning mavjudligi;
– vasiyatnomaning yo’qligi.