Yevropa Ittifoqi va O’zbekiston o’rtasidagi munosabatlarni rivojlantirishga qaratilgan normativ-huquqiy hujjatlar tahlili

Integratsiyalashuv jarayoni rivojlanib borayotgan hozirgi vaqtda davlatimiz oldida turgan dolzarb masalalardan biri jahon hamjamiyati bilan hamkorlikni kuchaytirish hisoblanadi.
Bu xalqaro munosabatlarni rivojlantirish, jahon mamlakatlari bilan diplomatik munosabatlarni mustahkamlash, ular bilan olib borilayotgan iqtisodiy hamkorlikni kuchaytirish, chet el investisiyalarini jalb etish kabi islohotlarni o’zida mujassam etadi.
1996 yilda Yevropa Ittifoqi bilan O’zbekiston o’rtasidagi munosabatlarni rivojlantirishda bir qancha muhim ishlar amalga oshirildi.
1996 yil fevral oyida Yevropa Ittifoqi Kengashi sherikchilik va hamkorlik to’g’risida bitim tuzish yuzasidan O’zbekiston bilan tashqi ishlar vazirligi darajasida muzokaralar boshlash haqida qaror qabul qildi, iyul oyida esa Florensiyada Sherikchilik va hamkorlik to’g’risida bitim imzolandi.
O’zbekiston Sovetlardan keyingi makonda Rossiyadan so’ng ikkinchi bo’lib Yevropa Ittifoqi bilan sherikchilik va hamkorlik to’g’risida bitim imzoladi.