Beshiksozlik gurungi

Go’dakdan hayot isi keladi, deyishadi.
Shunday go’zal iforni o‘zida parvarishlaydigan bir tilsim borki, uni o’zbeklar beshik deb ataydi.
Mohir beshiksozlar esa har doim xalq e’tirofida bo’lgan.
Ularni yurt milliy madaniyatimiz davomchilari, deya ko’kka ko’targan.
Bugun ham bu kasb egalari el ardog’ida.
Poytaxtimizning Zarbdor mahallasiga mehmon bo’lib, Mirsoat usta haqida so’rasangiz, u kishini hamma taniydi.
Yetmishni qoralagan bo’lsa-da, hanuz qo’lida asbobi bilan ota kasbini farzandlariga, qolaversa nabiralariga ham o’rgatib kelayotgan, qaysidir ma’noda shu hunarning bardavomligi uchun ham bevosita xizmat qilayotgan otaxondan beshiksozlikning sir-sinoatlari haqida so’radik.