Biznes reja quyidagi tarkibiy qismlarni o’z ichiga oladi:
1. Loyihaning maqsadi
2. Loyihaning qiymati
3. Tashkiliy reja
4. Ishlab chiqarish rejasi
5. Moliyaviy reja
6. Xulosa
LOYIHANING MAQSADI
Ushbu loyihani amalga oshirishdan maqsad, duradgorlik mahsulotlarni ishlab chiqarish uchun kerakli asbob-uskunalarni sotib olish va duradgorlikni tashkillashtirishni asoslash maqsadida taqdim etilmoqda.
Bino qurilishida duradgorlik ishlari asosiy o’rin egallaydi. Ular deraza va eshiklarni yasash va o’rnatish, yog’och, pol qoqish, g’isht terish va suvoqchilik ishlari uchun havoza va so’rilar tayyorlash, beton ishlari uchun qolip yasash, cherdakli tom qurish va shu kabilar. Duradgorlik buyumlari – deraza va eshiklar qurilish maydonchasiga tayyor bloklarda keltiriladi. Ular maxsus ko’rinishda taxlangan bo’ladi.
Loyixa tashabbuskorining, loyihani amalga oshirishdan maqsadi quyidagi sabablarga ko’ra:
– ko’rsatiladigan xizmatlar tannarxining yukori emasligiga nisbatan kapital xarajatlarning tezda o’zini qoplay olishligi;
– kerakli ish materiallarini yetkazib beruvchilar va ko’rsatiladigan xizmatlarga mijozlarning ko’pligi va loyiha tashabbuskorining yetarli darajada tajribaga ega ekanligidan, loyihaning amalga oshirish maqsadga muvofiqligini ko’rsatadi.
Kerakli ish materiallarini yetkazib beruvchilar va mijozlar bilan loyiha tashabbuskorining o’rtasida, ushbu loyiha bo’yicha olib borilgan muzokaralar, ularning loyiha bo’yicha hamkorlik qilishga juda katta qizikishi va istagi borligini ko’rsatdi. Hududiy qulay joylashganligi, hamda ko’rsatiladigan xizmatlarga tumanda mijozlarning ko’pligi loyihani amalga oshirish uchun juda yaxshi imkoniyat yaratadi.
Bozorni egallash va xaridorlar ishonchini qozonish uchun sifat faktoriga e’tibor bergan holda zamonaviy mahsulotlar assortimentini ishlab chiqarish kifoya.
