Biznes reja quyidagi tarkibiy qismlarni o’z ichiga oladi:
1. Kirish
2. Rejaning maqsadi
3. Reja strategiyasi
4. Bozor
5. Xizmat kursatish
6. Rejani amalga oshiradigan manzil
7. Mehnat resurslari
8. Moliyaviy reja
9. Moliyaviy reja sxemasi
10. Xulosa
Kirish
Biznes-reja go’zallik salonini ochib, aholiga salon xizmatlarini ko’rsatishning iqtisodiy foydaliligini aniqlash maqsadida tadbirkor tomonidan ishlab chiqildi.
Moliyaviy-iqtisodiy hisoblardan, bozor tahlili, namunaviy o’xshash korxonalarining ishini o’rganish tahlilidan kelib chiqqan holda loyiha tashabbuskori ushbu loyihaning iqtisodiy foydaligiga ishonadi.
Biznes-reja ish tartibida to’plangan ma’lumotlardan iborat: ob’ektning joylashish manzili, tashabbuskor haqida ma’lumot, asosiy rejalashtirilgan iqtisodiy ko’rsatkichlar, sariflanadigan mablag’larning hisobi va boshqa ma’lumotlar.
Loyiha bo’yicha xizmatlar baholari, xom ashyo va boshqa materiallar baholari 2018 yil 1-yanvar holatiga o’tkazilgan tadqiqot natijasida hisobga olingan. Kunlik bir smenalik ish tartibidan kelib chiqqan holda yiliga 300 ish kuni hisoblangan.
