Matn muharrirlarida protsessual hujjatlarni tahrirlash

Matnli ma’lumotlarni tayyorlashda kompyuterlardan foydalanishning qulayligi va samaradorligi hujjatlarni tayyorlash uchun ko’plab dasturlarni yaratishga olib keldi. Bunday dasturlar matn muharrirlari (protsessorlari) deb ataladi. Ushbu dasturlarning imkoniyatlari turlicha bo’lib, oddiy tuzilishdagi hujjatlarni tayyorlashga mo’ljallangan dasturlardan tortib, kitob va jurnallarni terish, rasmiylashtirish va nashr etishga tayyorlashgacha (nashriyot tizimlari) amallarni bajaruvchi dasturlarni o’z ichiga oladi. Matn muharrirlarining taraqqiyoti, bir tomondan ularning funksional imkoniyatlarini kengaytirish bo’yicha, ikkinchi tomondan esa ulardan foydalanishning qulayligini ta’minlash bo’yicha bormoqda. Keng qo’llaniladigan matn muharrirlariga quyidagilarni kiritish mumkin: Microsoft Word (MS Word), WordStar 2000 Plus, Word Perfect, AmiPro va boshqalar.