MUNDARIJA KIRISH Bugungi kunda dunyo miqyosida raqamli texnologiyalar jadal rivojlanib, barcha sohalar qatori ta’lim tizimiga ham chuqur kirib bormoqda. Ayniqsa, sun’iy intellekt texnologiyalarining rivojlanishi ta’lim jarayonini yangi bosqichga olib chiqib, o’qitish metodlarini takomillashtirish, talabalarning mustaqil ta’lim olish ko’nikmalarini shakllantirish hamda ularning ijodiy salohiyatini rivojlantirish uchun keng imkoniyatlar yaratmoqda. Zamonaviy ta’lim tizimida sun’iy intellekt vositalaridan oqilona foydalanish nafaqat bilimlarni o’zlashtirish samaradorligini oshiradi, balki talabalarning tanqidiy va ijodiy fikrlashini, muammolarni innovatsion yondashuv asosida hal qilish ko’nikmalarini ham rivojlantiradi. Mamlakatimizda ham raqamli iqtisodiyotni rivojlantirish, ta’lim sifatini xalqaro standartlar darajasiga olib chiqish va innovatsion texnologiyalarni ta’lim jarayoniga keng joriy etish davlat siyosatining ustuvor yo’nalishlaridan biri etib belgilangan. Shu bois oliy ta’lim muassasalarida sun’iy intellekt imkoniyatlaridan samarali foydalanish, talabalarning kreativ fikrlash qobiliyatlarini rivojlantirish hamda zamonaviy kompetensiyalarni shakllantirish dolzarb masalalardan biri hisoblanadi. O’zbekiston Respublikasi Prezidenti Shavkat Mirziyoyev o’z nutqlarida yoshlarni zamonaviy bilim va kasblarga ega bo’lishi, axborot texnologiyalarini mukammal egallashi, innovatsion fikrlaydigan, raqobatbardosh kadrlar sifatida tarbiyalash masalalariga alohida e’tibor qaratib kelmoqda. Prezidentimiz ta’kidlaganidek, bugungi kunda ta’lim sifatini oshirishning eng muhim omillaridan biri zamonaviy axborot-kommunikatsiya texnologiyalari hamda sun’iy intellekt imkoniyatlaridan samarali foydalanishdir. Shuningdek, «Raqamli O’zbekiston – 2030» strategiyasi hamda oliy ta’lim tizimini rivojlantirishga oid qabul qilingan normativ-huquqiy hujjatlar ta’lim jarayonida innovatsion texnologiyalarni keng joriy etish zarurligini belgilab bermoqda. Prezident Shavkat Mirziyoyev o’z ma’ruz
