Biznes reja quyidagi tarkibiy qismlarni o’z ichiga oladi:
1. Loyihaning maqsadi
2. Loyihaning qiymati
3. Tashkiliy reja
4. Ishlab chiqarish rejasi
5. Moliyaviy reja
6. Xulosa
LOYIHANING MAQSADI
Ushbu loyihani amalga oshirishdan maqsad, tikuvchilik mahsulotlarini xususan choyshab va matrats mahsulotlarini kichik hajmda ishlab chiqarish biznesini tashkillashtirishni asoslashdir.
Tadbirkor belgilangan faoliyat turiga asoslanib, ko’zlangan mahsulotlarni sotib olib, yetishtirib xalqimizga arzon va sifatli tarzda, yetkazib berish hamda 11 nafar kishini ish bilan ta’minlashni o’z oldiga maqsad qilib qo’ygan.
Tikuvchilik sanoati insoniyat uchun an’anaviy sanoat turlaridan biri bo’lsada, dunyoda tikuvchilikda ishlatiladigan tolalarni, mahsulot ishlab chiqarish texnologiyalarini takomillashtirish jarayoni hamon davom etmoqda. Kimyo sanoati arkonlarining to’qimachilik sanoatidan tabiiy tola xom ashyosini siqib chiqishga urinishlari muvaffaqiyatsizlikka yuz tutdi. Ko’p yillar avval bo’lganidek, bugun ham to’qimachilik sanoati jamiyatning tabiiy matolarga bo’lgan ehtiyojlarini qondirishga xizmat qilmoqda.
Bugunga kunda O’zbekstonda zamonaviy texnologik asbob-uskunalar bilan jihozlangan ko’plab tikuvchilik korxonalari faoliyat yuritmoqda. Sohada bosqichma-bosqich tarkibiy o’zgarishlar yuz bermoqda, zamonaviy texnologiyalar asosida yangi korxonalar qurish, ularni ilg’or, zamonaviy, raqobatga chidamli mahsulot ishlab chiqarishga mo’ljallangan asbob-uskunalar bilan jihozlash davom etmoqda, yangidan-yangi korxonalar foydalanishga topshirilmoqda.
So’nggi yillardagi statistik ma’lumotlarga ko’ra, tikuvchilikning rentabelligi 25-35%ni tashkil etadi va tahminlarga ko’ra tikuvchilik mahsulotlarini ishlab chiqarish 2017 yildagi 15,4 ming tonnadan 2021 yilda 23,7 ming tonnagacha ko’payadi. Shunga qaramay O’zbekiston va jaxon bozorida sifatli tikuvchilik mahsulotlariga bo’lgan talab, raqobatbardoshlik talablarini hisobga olgan holda ham kun sayin oshib, iste’molchilar uchun sifat faktoriga asoslangan, sinalgan tovarlar talabgir bo’lib kelmoqda.
